വേനൽക്കാലത്തെ മൈഗ്രെയ്ൻ: കാരണങ്ങളും പ്രതിവിധികളും | Migraine Care Tips Malayalam

വേനൽക്കാലത്തെ മൈഗ്രെയ്ൻ: കാരണങ്ങളും പ്രതിവിധികളും | Migraine Care Tips Malayalam – വേനൽക്കാലത്ത് മൈഗ്രെയ്ൻ കൂടുന്നുണ്ടോ? നിർജ്ജലീകരണം മുതൽ ഭക്ഷണരീതികൾ വരെ മൈഗ്രെയ്നിനെ എങ്ങനെ ബാധിക്കുന്നു എന്നും, ഇത് തടയാനുള്ള ഫലപ്രദമായ മാർഗ്ഗങ്ങളും

വേനൽക്കാലം അവധിക്കാലത്തിന്റെയും യാത്രകളുടെയും സമയമാണെങ്കിലും മൈഗ്രെയ്ൻ ഉള്ളവർക്ക് ഇത് അല്പം പ്രയാസമേറിയ കാലമാണ്. കഠിനമായ വെയിലും ചൂടും പലരിലും മൈഗ്രെയ്ൻ വർദ്ധിപ്പിക്കാറുണ്ട്. എന്തുകൊണ്ടാണ് വേനൽക്കാലത്ത് മൈഗ്രെയ്ൻ കൂടുന്നത്? ഇത് തടയാൻ നമുക്ക് എന്ത് ചെയ്യാൻ കഴിയും? നോക്കാം.

മൈഗ്രെയ്ൻ എന്നാൽ വെറും തലവേദനയല്ല
മൈഗ്രെയ്ൻ എന്നത് ഒരു നാഡീസംബന്ധമായ രോഗമാണ്. ഇതിനെ വെറും തലവേദനയായി കാണരുത്.

പ്രധാന ലക്ഷണങ്ങൾ: തലയുടെ ഒരു ഭാഗത്തോ അല്ലെങ്കിൽ രണ്ടു ഭാഗത്തോ അനുഭവപ്പെടുന്ന കഠിനമായ വേദന, ഛർദ്ദി, വെളിച്ചത്തോടും ശബ്ദത്തോടും ഉള്ള അസഹിഷ്ണുത. ഈ വേദന മണിക്കൂറുകൾ മുതൽ ദിവസങ്ങൾ വരെ നീണ്ടുനിന്നേക്കാം.

വേനൽക്കാലത്ത് മൈഗ്രെയ്ൻ കൂടാനുള്ള കാരണങ്ങൾ

1. നിർജ്ജലീകരണം (Dehydration): ചൂട് കാരണം ശരീരം അമിതമായി വിയർക്കുകയും ജലാംശം നഷ്ടപ്പെടുകയും ചെയ്യുന്നു. ഇത് തലവേദനയ്ക്ക് പ്രധാന കാരണമാണ്.
2. സൂര്യപ്രകാശം: കഠിനമായ വെയിൽ കണ്ണുകളിൽ തട്ടുന്നത് മൈഗ്രെയ്ൻ ട്രിഗർ ചെയ്യും.
3. താപനിലയിലെ മാറ്റം: എസി മുറിയിൽ നിന്നും പെട്ടെന്ന് പുറത്തെ ചൂടിലേക്ക് പോകുന്നത് ശരീരത്തിന് താങ്ങാൻ കഴിഞ്ഞെന്ന് വരില്ല.
4. ഉറക്കക്കുറവ്: വേനൽക്കാലത്തെ അമിത ചൂട് ഉറക്കത്തെ തടസ്സപ്പെടുത്തുന്നതും മറ്റൊരു കാരണമാണ്.

ഒഴിവാക്കേണ്ട ഭക്ഷണങ്ങളും പാനീയങ്ങളും

ചില ഭക്ഷണങ്ങൾ മൈഗ്രെയ്ൻ വേദന വർദ്ധിപ്പിക്കാൻ സാധ്യതയുണ്ട്. ഓരോരുത്തരിലും ഇത് വ്യത്യസ്തമായിരിക്കുമെങ്കിലും പൊതുവേ താഴെ പറയുന്നവ ശ്രദ്ധിക്കുക:

ഒഴിവാക്കേണ്ട ഭക്ഷണങ്ങൾ:

1. ഇൻസ്റ്റന്റ് നൂഡിൽസ്, ചിപ്സ് തുടങ്ങിയ പ്രോസസ്സ് ചെയ്ത ഭക്ഷണങ്ങൾ.
2. ചുവന്ന മാംസം, പഴകിയ ചീസ് (Aged Cheese).
3. പീനട്ട് ബട്ടർ, അമിതമായി മധുരമുള്ള കേക്കുകൾ, പാസ്ട്രികൾ.
4. MSG (അജിനോമോട്ടോ) അടങ്ങിയ ഭക്ഷണങ്ങൾ.

ഒഴിവാക്കേണ്ട പാനീയങ്ങൾ:

1. മദ്യം (പ്രത്യേകിച്ച് റെഡ് വൈൻ)
2. അമിതമായ കാപ്പി, ചായ
3. എനർജി ഡ്രിങ്കുകൾ, കൃത്രിമ മധുരം ചേർത്ത പാനീയങ്ങൾ മൈഗ്രെയ്ൻ പ്രതിരോധിക്കാൻ 7 ലളിതമായ വഴികൾ
4. ധാരാളം വെള്ളം കുടിക്കുക: ദാഹം തോന്നുന്നതിനായി കാത്തുനിൽക്കാതെ കൃത്യമായ ഇടവേളകളിൽ വെള്ളം കുടിക്കുക.
5. ഭക്ഷണം കൃത്യസമയത്ത് കഴിക്കുക: ഭക്ഷണം ഒഴിവാക്കുന്നത് രക്തത്തിലെ പഞ്ചസാരയുടെ അളവ് കുറയ്ക്കുകയും തലവേദനയ്ക്ക് കാരണമാവുകയും ചെയ്യും.
6. ചിട്ടയായ ഉറക്കം: ദിവസവും ഒരേ സമയത്ത് ഉറങ്ങാനും എഴുന്നേൽക്കാനും ശ്രമിക്കുക.
7. വെയിലിൽ നിന്നും സംരക്ഷണം: പുറത്തിറങ്ങുമ്പോൾ കുടയോ തൊപ്പിയോ ഉപയോഗിക്കുക. സൺഗ്ലാസ് ധരിക്കുന്നത് വെളിച്ചം മൂലമുള്ള പ്രയാസം കുറയ്ക്കും.
8. പുറത്തിറങ്ങുന്നത് നിയന്ത്രിക്കുക: ഉച്ചസമയത്തെ കഠിനമായ വെയിലിൽ യാത്രകൾ ഒഴിവാക്കുക.
9. കരുതൽ വേണം: യാത്രകളിൽ എപ്പോഴും വെള്ളവും ലഘുഭക്ഷണവും കയ്യിൽ കരുതുക.
10. ഡയറി സൂക്ഷിക്കുക:എപ്പോഴൊക്കെയാണ് തലവേദന വരുന്നത്, എന്തൊക്കെ കഴിച്ചപ്പോഴാണ് അത് ഉണ്ടായത് എന്നിവ കുറിച്ചുവെക്കുന്നത് നിങ്ങളുടെ ‘ട്രിഗറുകൾ’ കണ്ടെത്താൻ സഹായിക്കും.

പ്രത്യേകം ശ്രദ്ധിക്കുക : തലവേദന വരുമ്പോൾ സ്വയം ചികിത്സ പാടില്ല. ഇടയ്ക്കിടെ വേദനസംഹാരികൾ (Pain killers) കഴിക്കുന്നത് ഗുണത്തേക്കാൾ ഏറെ ദോഷം ചെയ്യും. മൈഗ്രെയ്ൻ ആവർത്തിക്കുകയാണെങ്കിൽ തീർച്ചയായും ഒരു ന്യൂറോളജിസ്റ്റിനെ കണ്ട് ശരിയായ ചികിത്സ തേടുക.

ശരിയായ ജീവിതശൈലിയും ഭക്ഷണരീതിയും പിന്തുടർന്നാൽ ഈ വേനൽക്കാലം മൈഗ്രെയ്ൻ പേടിയില്ലാതെ നമുക്ക് ആഘോഷിക്കാം!